Një aksident me pasoja fatale ndodhi mbrëmjen e së enjtes në autostradën Levan-Tepelenë, në zonën e njohur si “Kryqëzimi i Cakranit”. Dy automjete, një “Benz” dhe një “Peugeot”, u përplasën me njëri-tjetrin, duke shkaktuar vdekjen e drejtuesit të mitur të njërit prej mjeteve, me inicialet O.M., rreth 16-vjeç. I riu pësoi dëmtime të rënda dhe ndërroi jetë gjatë transportit drejt spitalit. Sipas burimeve nga vendngjarja, makina e viktimës është përplasur me automjetin që drejtohej nga një 30-vjeçar. Paraprakisht, dyshohet se 16-vjeçari i ka prerë rrugën mjetit tip “Benz”, i cili po lëvizte nga Poçemi drejt Levanit, ndërsa i mituri po hynte në autostradë nga Cakrani. Shërbimet e policisë dhe grupi hetimor mbërritën menjëherë në vendngjarje për të zbardhur rrethanat dhe shkaqet e aksidentit.