Kriza energjitike për naftë, ka bërë qe Serbia të përshpejtojë proceset për shitjen e aksioneve ruse të Industrinë e Naftës së Serbisë NIS, sa më shpejtë. Ministrja serbe e Minierave dhe Energjisë, Handanoviq, ka bërë me dije se po zhvillohen negociata mes aksionarëve rusë në NIS dhe MOL-it të Hungarisë për shitjen e aksioneve të kompanisë. “Qeveria hungareze i ka mbështetur bisedimet dhe ne si Qeveri e Serbisë do të ofrojmë mbështetje, në mënyrë që të gjendet një zgjidhje për heqje të sanksioneve dhe krijim të kushteve për t’i garantuar NIS-it një licencë për punë operacionale”, ka thënë zyra e ministres serbe. Sipas saj, qeveria e Moskës është shprehur sr I mbështet negociatat për largimin e kapitalit rus nga NIS-i. Rusia zotëron rrëeth 56 për qind të aksioneve të Industrisë së Naftës së Serbisë NIS. Shtetet e Bashkuara e sanksionuan NIS-in më 9 tetor me qëllim që të parandalojë që Rusia të përdorë fitimet nga NIS për të financuar luftën në Ukrainë. Vetëm një ditë më parë autoritetet amerikanë lëshuan licencë ndaj NIS, duke I zgjatur afatin për negociata për shitjen e aksioneve ruse të kompanisë deri më 24 mars 2026.