Liderët ndërkombëtarë do të mbajnë bisedime të dielën për të mbledhur ndihma për bejrutin, pesë ditë pas shpërthimit masiv që shkatërroi kryeqytetin libanez. Konferenca virtuale, është organizuar nga franca dhe kombet e bashkuara. Edhe presidenti amerikan, Donald trump, ka bërë të ditur se do të marrë pjesë në të. Zyrtarët vlerësojnë se shpërthimi në magazinën ku gjendeshin mbi 2 mijë tonë nitrat amoni, shkaktoi rreth 15 miliardë dollarë dëme. Shpërthimi i mori jetën të paktën 158 personave, lëndoi mbi 5 mijë të tjerë dhe la të pastrehë 300 mijë vetë. Të shtunën, mijëra njerëz dolën nëpër rrugë, me policinë që përdori edhe gazin lotsjellës kundër protestuesve që i qëllonin me gurë dhe disa demonstrues sulmuan ministritë. Në një fjalim në televizion, kryeministri libanez tha se do të kërkonte zgjedhje të parakohëshme për të zgjidhur krizën. Cështja do të diskutohet në kabinetin qeveritar të hënën. Libani ishte që më herët i zhytur në një krizë ekonomike dhe po stërmundohej në përballjen me pandeminë e koronavirusit para shpërthimit që rrafshoi bejrutin.