Mbrëmjen e së premtes një makinë me emigrant u aksidentua në vendin e quajtur Uji I ftohtë tepelenë, për pasojë shoferi I kësaj makine 20 vjec, u arrestua pasi nuk iu bind urdhrit të policisë për të ndaluar. Policia bëri me dije se i riu shtoi shpejtësinë e makinës në momentin që iu dha urdhri për të ndaluar, mirëpo më vonë ai u aksidentua. Si pasojë e devijimit nga rruga dhe e përplasjes, shoferi dhe pasagjerja, banuese në Tiranë, mbetën të plagosur dhe u transportuan në Spitalin Rajonal Gjirokastër dhe ndodhen në gjende të mirë shëndetësore. Arrestimi i këtij shtetasi u bë në aksin rrugor Kakavije-Gjirokastër. Gjatë konfirmimeve dhe verifikimeve të kryera nga policia, rezultoi se I riu po transportonte emigrante të palighshem me automjetin e tij. Në cilësinë e provës materiale u sekuestrua makina. Materialet në ngarkim të këtij shtetasi i kaluan Prokurorisë pranë Gjykatës së Shkallës së Parë Gjirokastër për veprat penale “Ndihma për kalim të paligjshëm të kufirit”, “Shkelja e rregullave të qarkullimit rrugor” dhe “Mosbindje ndaj urdhërit të punonjësit të policisë“.