Policia e Tiranës ka finalizuar operacionin e koduar ‘Kimisti” i kryer nga Seksioni për Hetimin e Narkotikëve nën drejtimin e Prokurorisë. Katër persona, të cilët kishin përshtatur banesën në një ambient të vërtetë të përshtatur si laborator, që shërbente për kultivimin e bimëve narkotike. Gjatë operacionit janë sekuestruar pajisjet e montuara në banesën e përshtatur për kultivimin e bimëve narkotike, fara dhe fidanë canabis, 2 automjete dhe sende të tjera të kundraligjshme. Strukturat e antidrogës në zbatim të planit të masave për kontrollin e territorit me qëllim parandalimin e kultivimit të canabisit si rezultat e një punë disa mujore kanë zhvilluar këtë operacion, pasi kishin marrë të dhëna në rrugë operative. Mes të arerstuarve është edhe një 17 vjeçar. Këta shtetas, në bashkëpunim me njëri-tjetrin, kishin përshtatur banesën e marrë me qira nga shtetasi me aparatura që shërbejnë për kultivimin e bimëve narkotike.