Një vorbull e rrallë uji e shkaktuar nga një tornado ka goditur qytetin port të Kielit në gjermani, duke rrëzuar njerëzit nga barkat dhe duke dëmtuar pronat. Disa persona të hedhur në ujë u lënduan ndërsa era me shpejtësi 100 km në orë u përplas mbi bregun verior. Katër persona janë lënduar rëndë në zonën e dokut në Kiel. Catitë e disa ndërtesave u rrëzuan dhe pemët u shkulën me rrënjë. Vorbulla e ujit ndodh kur një tornado krijohet mbi oqeane, lumenj apo liqene. Ajo zakonisht zhduket pas disa minutash por mund të përbëjë rrezik serioz për barkat të cilave u afrohet. Në Kiel, në bregun e detit Baltik në Gjermani, anëtarët e një klubi lundrimi u rrëzuan në ujë dhe njerëzit ndërhynë për ti nxjerrë në breg. Disa persona u dërguan në një spital aty afër për trajtim por raportohet fatmirësisht se janë jashtë rrezikut për jetën. Rreth 60 pjesëtarë të skuadrave të shpëtimit, mes të cilëve edhe zjarrfikës, u dislokuan atje. Imazhet në mediat sociale tregonin vorbullën e frikshme të ujit që vërtitej mbi qytetin gjerman. Kieli ndërkohë është paralajmëruar për më shumë erëra të forta dhe reshje të dendura shiu gjatë fundjavës.