Lech Ëalesa, ish-presidenti polak dhe lideri i sindikatave të Solidarnostit, që luajti një rol udhëheqës në rënien e komunizmit, i shkroi një letër presidentit amerikan Donald Trump, ku shprehte "tmerrin" për debatin e tij me Volodymyr Zelenskin. Fituesi i Çmimit Nobel për Paqe postoi të hënën në Facebook tekstin e letrës, e cila u nënshkrua edhe nga 39 ish të burgosur politikë polakë. Në një takim të jashtëzakonshëm që u transmetua drejtpërdrejt të premten, Trump akuzoi Zelenskin për mosmirënjohje për ndihmën e SHBA-së, për shfaqjen e mungesës së respektit ndaj vendit të tij dhe për rrezikimin e Luftës së Tretë Botërore, duke vënë në dyshim mbështetjen e vazhdueshme të Uashingtonit për Ukrainën në luftën e saj trevjeçare me Rusinë. “Ne e ndoqëm bisedën tuaj me Presidentin e Ukrainës Volodymyr Zelenski me tmerr dhe neveri”, thuhej në letër.