Një ngjarje e rëndë është shënuar këtë të hënë në fshatin Bubq të Krujës duke shënuar një tjetër viktimë në familje. 51 vjecari Artan Ismailaja ka goditur me thikë për vdekje bashkëshorten e tij, Klarita Ismalaja. Sipas të dhënave të para të policisë krimi i rëndë në familje ka ndodhur brenda makinës së tyre, në afërsi të një magazine, ku 51-vjeçari ka goditur bashkëshorten e tij me thikë, e cila ka ndërruar jetë në vend. Më pas, autorit ka tentuar të dëmtojë edhe veten me thikë, por mbërritja e policisë në vendngjarje e ka parandaluar këtë. Mësohet se ai është arrestuar në kushtet e flagrancës dhe është dërguar menjëherë në Spitaln e Krujës ku ndodhet në kujdesin shendetësor. Policia nuk ka bërë të ditur rrethanat dhe shkaqet që sollën vrasjen e 45 vjeçares nga bashkëshorti, pritet që pas marrjes së Artan Ismailajat në pyetje nga grupi hetimor të mësohet më shumë rreth marrëdhënive të çiftit që precipituan duke shkaktuar një viktimë.