19 korriku ishte një ditë e madhe për Shqipërinë dhe Maqedoninë e Veriut pasi shënoi hapjen e negociatave për anëtarësim të dy vendeve në BE. Konferencat e para ndërqeveritare erdhën në një kohë kur si në Tiranë ashtu edhe në shkup, durimi po zbehej ndërkohë që edhe vetë anëtarët e bllokut e konsideronin nisjen e negociatave të vonuar. Ajo që e intensifikonte frustrimin e tiranës zyrtare, ishte mbi të gjitha, mungesa e tejzgjatur e një date për konferencën e parë ndërqeveritare, vetëm për shkak të vetos bullgare mbi Maqedoninë e veriut. Kjo lidhje aspak e logjikshme e rrugëtimit të shqipërisë me atë të Maqedonisë së veriut, shkaktoi jo pak shqetësim. Por në kushtet kur drita jeshile është ndezur tashmë për të dyja vendet, si do të vazhdojë ky rrugëtim...bashkë, apo ndarazi...Top Neës, pyeti për këtë Ana Pisoneron, zëdhënësen e komisionit evropian për zgjerimin, fqinjësinë dhe partnershipin ndërkombëtar.