Pandemia e koronavirusit ka shtyrë më shumë se 20 liderë botërorë të bëjnë thirrje për një zgjidhje të re për të ndihmuar botën të përgatitet ndaj situatave të ngjashme në të ardhmen. Covid 19 i gjeti qeveritë në mbarë të papërgatitura për sëmundje të tilla kaq masive. Në shkrimin e përbashkët udhëheqësit përfshirë presidentin e Francës, Emmanuel Macron të Francës dhe kancelaren gjermane, Angela Merkel shprehen se COVID-19 ka paraqitur sfidën më të madhe që nga Lufta e Dytë Botërore. Cështja nuk është nëse do të ndodhë një krizë tjetër pandemike, por kur, shkruajnë ata. Një prej nënshkruesve të artikullit është dhe presidenti, Edi Rama. Udhëheqësit thonë se për të ndërtuar bashkëpunimin ndërkombëtar duhet një traktat i ngjashëm me atë të arritur pas Luftës së Dytë Botërore. Në shkrim theksohet se vendet duhet tani "të jenë më të përgatitura për të parashikuar, parandaluar, zbuluar dhe reaguar në mënyrë efektive ndaj pandemive në një mënyrë shumë të koordinuar". Një traktat i ri do të ndihmonte në krijimin e sistemeve më të mira për njoftimin e njerëzve për pandemitë e mundshme. pakti gjithashtu do të përmirësonte ndarjen e të dhënave dhe shpërndarjen e vaksinave dhe pajisjeve mbrojtëse personale. "Do të ketë pandemi të tjera dhe emergjenca të tjera të mëdha shëndetësore. Asnjë qeveri e vetme ose agjenci shumëpalëshe nuk mund ta trajtojë këtë kërcënim vetëm”, shkruajne lideret boterore. Që kur koronavirusi u shfaq në Kinë në fundin e vitit 2019, vendet anekënd globit janë detyruar të marrin masa të forta, përfshirë dhe izolimin kombëtar, në mënyrë që të frenojnë përhapjen e sëmundjes, një mision ky që rezultoi mjaft i vështirë.