Në mënyrë të vazhduar, ambasadorja amerikane Yuri Kim, i ka bërë thirrje forcave politike të kundërshtonin publikisht rikandidimin e deputetit Tom Doshi në zgjedhjet e 25 Prillit. Deklarata e saj u pa gjerësisht si referencë ndaj Partisë socialiste, por kjo u hodh poshtë nga drejtor i Komunikimit i kryeministrit Rama, Endri Fuga, i cili tha për VOA-n se “ambasadorja Kim e ka bërë më parë shumë të qartë me gojën e saj, qëndrimin e Kryeministrit, se Tom Doshi as nuk është aleat i Partisë Socialiste dhe as do të jetë pjesë e qeverise së re të Partisë Socialiste! Pas një heshtjeje të zgjatur, Tom Doshi i është përgjigjur ambasadores amerikane, ndërsa e përcolli mes rreshtash dhe një mesazh për qeverinë. Me hapjen zyrtare të fushatës zgjedhore për parlamentin e ri ambasada e SHBA-ve u bëri sërish thirrje publike udhëheqësve partiakë që të refuzojnë dhunën, dhe kandidatët për deputetë të zbatojnë ligjet vendase dhe standartet ndërkombëtare. Prej shumë muajsh ambasada amerikane po këmbëngul që partitë politike të mbajnë larg listave të kandidatëve personat me rekorde kriminale dhe korruptive. në 2018-tën, Tom Doshi u shpall persona non granta nga departamenti amerikan i shtetit.