Ky është momenti dramtik kur një masiv i madh me ujë dhe baltë përshkon zonën malore të Uttarkashit përfshinë fshatin turistik Dharali në Indi duke përmbytur rrugë, ndërtesa dhe duke lënë pas rrënoja të shumta. Deri më tani raportohet për më shumë se 100 persona të zhdukur në disa fshatra rreth himalajeve. Reshjet e shumta të së martën frynë lumin Keranga aq sa shpërtheu dhe mori përpara gjithcka gjeti. Imazhet e publikuara nga ushtria, të marra nga vendi i ngjarjes tregonin një lumë me baltë që lëvizte ngadalë. Një pjesë e madhe e qytetit ishte e mbuluar nga balta, me zyrtarët e shpëtimit që vlerësuan se ajo ishte 15 metra e thellë në disa vende, duke gëlltitur disa ndërtesa tërësisht. 270 mm shi u përllogarit të ketë rënë në 24 orë në në zonën e përmbytur. Ushtria indiane ka nisur operacionin e kërkim shpëtimit në zonë me qen nuhatës, dronë dhe pajisje të rënda për pastrimin e dheut. Helikopterët e ushtrisë po punojnë gjithashtu për të sjellë "furnizime thelbësore dhe ilace për banorët edne në rreik. Kryeministri i shtetit Uttarakand, Pushkar Dhami, tha se përmbytjet e kanë vendosur vendin e tij "në gatishmëri” si të ishin në një lufte". Përmbytjet dhe rrëshqitjet e dheut vdekjeprurëse janë të zakonshme gjatë sezonit nga qershori deri në shtator, por ekspertët thonë se ndryshimet klimatike, së bashku me urbanizimin, po rrisin frekuencën dhe ashpërsinë e tyre. Organizata Botërore Meteorologjike e OKB-së tha vitin e kaluar se përmbytjet dhe thatësirat gjithnjë e më intensive janë një "sinjal shqetësimi" i asaj që do të vijë, ndërsa ndryshimet klimatike e bëjnë ciklin e ujit të planetit edhe më të paparashikueshëm.