Disa punonjës të një kompanie farmaceutike janë arrestuar në Indonezi pasi akuzohen se kanë larë dhe rishitur kite të testeve nazale të koronavirusit. Deri në 9 mijë persona në një aeroport në Medan, mund të jenë testuar me këto kite të ripërdorura – thotë policia. Kompania në pronësinë e shtetit tani raportohet se përballet me një padi të mundshme në emër të udhëtarëve. Testimet nazale për covid janë bërë rutinë në shumë vende të goditura nga pandemia globale. Policia tha se beson se mashtrimi ndodh që nga dhjetori i shkuar në aeroportin Kualanamu në Medan, në sumatrën veriore. Pasagjerëve u kërkohet të paraqesin një test negativ nëse duan të fluturojnë dhe aeroporti ofron opsionin e bërjes së testit në vend. Autoritetet e aeroportit kanë përdorur kitet e testeve të shpejta të antigjeneve të ofruara nga Kimia Farma, kompania që tani është nën akuzë. Pas ankesave nga pasagjerët se ata kanë marrë rezultat të rremë pozitiv, policia dërgoi një oficer të infiltruar që u hoq si pasagjer javën e kaluar. Kur atij iu mor kampioni nga hunda dhe mori një rezultat pozitiv, policët e tjerë ndërhynë dhe gjetën një kit të përdorur testimi që ishte ricikluar.