Bilanci I vdekjeve nga tërmeti I fuqishëm I së premtes është rritur sërish, duke shënuar tashmë 91 jetë të humbura sipas agjensisë kombëtare turke të fatkeqësive natyrore. Gati 1.300 paslëkundje e kanë goditur zonën gjatë këtyre ditëve, 43 prej të cilave mbi magnitudën 4. 994 janë të plagosurit, por shumica e tyre tashmë kanë dalë nga spitali dhe vetëm 155 janë ende të shtruar. Autoritetet e përditësuan dhe numrin e ndërtesave të shkatërruara, të cilat sipas tyre janë 58. Ministri I mjedisit dhe urbanizimit, Murat Kurum u shpreh se ka nisur një proces për ngritjen e një strehimi të përkohshëm në lagjen Bayrakli ku mund të qëndrojnë me qindra vete. Ekipet e shpëtimit sakaq vazhdojnë pa reshtur përpjekjet për gjetjen e të mbijetuarve. Shpëtimi I një vajze të vogël tre vjecare I mbushi me shpresa. Elif u nxorr e gjallë nga gërmadhat 65 orë pas tërmetit që la pas një vazhdë shkatërrimesh. Në momentin kur ajo ishte jashtë rrezikut, të gjithë njerëzit aty shpërthyen në duartrokitje. Pamjet: AFP