Rumania ngriti avionë luftarakë të shtunën kur një dron shkeli hapësirën ajrore të vendit gjatë një sulmi rus ndaj infrastrukturës ukrainase pranë kufirit, tha ministria e mbrojtjes. Ministri i Mbrojtjes Ionut Mosteanu tha se pilotët e F-16 ave ishin gati ta rrëzonin dronin pasi ai po fluturonte shumë ulët përpara se të largohej nga hapësira ajrore kombëtare për tu kthyer drejt Ukrainës. Një kërcënim për sulme me dronë shtyu gjithashtu Poloninë të ngrinte avionë dhe të mbyllte një aeroport në qytetin lindor të Lublinit të shtunën, tre ditë pasi vendi rrëzoi dronë rusë në hapësirën e tij ajrore, me mbështetjen e avionëve nga aleatët e NATO-s. Rumania, një shtet anëtar i Bashkimit Evropian dhe i NATO-s që ndan një kufi prej 650 km me Ukrainën, ka parë fragmente dronësh rusë që bien në territorin e saj në mënyrë të përsëritur që kur Rusia filloi luftën kundër fqinjit të saj.