Mësuesi Daan Scholland ishte në gjumë, me partneren e tij, kur një tërmet goditi fshatin holandez Garrelsver në mes të natës. “Ishte si një dallgë, mund ta ndjenim që po vinte drejt nesh”, tha babai i tre fëmijëve. Kur u zgjova, e gjithë dhoma po dridhej dhe fëmijët po qanin të terrorizuar. Tërmeti me manjitudë 3.2 ballë goditi në nëntor dhe ishte më i madhi në më shumë se dy vite në këtë zonë rurale që kufizohet me fushën më të madhe të gazit natyror në evropë. Dhe kjo ishte edhe kujtesa më e fundit se edhe pse holandezët i kishin mbyllur hesapet me të, fusha e gazit Groninghen, nuk kishte mbaruar punë me banorët. Zona është shënjuar që nga 1986 nga tërmete gjithnjë e më të forta të shkaktuar nga xhepat e ajrit që pësojnë kolaps pasi gazi është nxjerrë që andej. Dy vite më parë, Schooland, u gëzua bashkë me banorët e tjerë pasi qeveria njoftoi se do të mbyllte rubinetat në fushë deri në 2030-ën. Ai u ndje akoma më mirë pasi afati u reduktua deri në fund të 2022. Qeveria holandeze ka ngritur dy komisione, njëri që do të merret me kompensimin dhe tjetri që do të ndihmojë banorët të forcojnë shtëpitë e tyre kundër tërmeteve të ardhshme. Por, ky clirim ishte jetëshkurtër. Menjëherë pas tërmetit të muajit të kaluar, zyrtarët qeveritarë lëshuan një paralajmërim drithërues se dridhjet e tokës do të vazhdonin gjatë. Edhe nëse nxjerrja e gazit ndalet tani, tërmetet do të vazhdojnë të ndodhin – tha inspektori i përgjithshëm holandez i minierave. Sipas vlerësimeve tona – shtoi ai – ne përllogarisim se kjo situatë do të vazhdojë për disa dekada deri sa toka e butë nën groningen të qetësohet.