Acari dhe I ftohti polar që ka përfshirë vendin prej disa ditësh, mesa duket po tërhiqet, ku kjo e mërkurë ka shënuar një rritje të lehtë te temperaturave në vend. Pritet që gjatë ditës së sotme vendi ynë të mbizotërohet nga alternime vranësirash dhe kthjellimesh duke sjellë mot me diell, por të ftohtë. Sipas Meteoalb, temperaturat do të pësojnë një rritje të lehtë ku variojnë: në zonat malore, nga -12°C në 01°C, në zonat e ulëta nga -3°C në 08°C dhe në zonat bregdetare nga 00°C në 10°C. Era do të fryjë në drejtim verilindor ndërsa forca e valëzimit në det do të jetë 3 ballë. Ditët e fundit vendi ynë është përfhirë nga temperatura mjaft të ulëta, ku në zonat malore por jo vetëm, reshjet e dëborës bllokuan akse të shumta rrugore, duke bërë që automjetet të kalonin me vështirësi. Temperaturat në zonat malore kanë shënuar rekord këtë vit, ku në Vermosh u arrit temperatua -23 gradë Celsius, ndërsa në disa zona të tjera malore termometri shënoi -17 gradë C.