Policia e Dibrës ka shpallur në kërkim 33-vjeçarin, Ardit Aldedja pasi ka tentuar të vrasë me armë zjarri pistoletë, një shtetas pas një konflikti për motive të dobëta. Shërbimet e Komisariatit të Policisë Dibër, pas marrjes së njoftimit se në qytetin e Peshkopisë, një shtetas kishte tentuar të vriste me armë zjarri një 20-vjeçar me të cilin ishte konfliktuar, menjëherë kanë organizuar punën për kapjen e autorit dhe për dokumentimin e rrethanave të ngjarjes. Është arrestuar në flagrancë shtetasi Agron Muça për veprën penale ‘Moskallëzimi i krimit” duke marrë në në automjet Ardit Aldedja për të shmangur kapjen e tij. Në kërkim janë shpallur edhe 3 shtetas të tjerë, Klement Aldedja, Indrit Belba, Xherdan Korimani, pasi ndihmuan 33-vjeçarin të largohej pas ngjarjes.