Një person është vënë në pranga nga policia e Kukësit, pasi po transportonte me një furgon 800 kg duhan pa faturë shoqëruese. 38 vjeçaringa Malësia e madhe, është ndaluar për një kontroll rutinë nga specialistët për Hetimin e Krimit Ekonomik dhe Financiar në Policinë e Kukësit në aksin rrubor Kukës- Morinë, në vijim të punës për goditjen e paligjshmërisë, kanë goditur një rast të kontrabandës me mallra për të cilat paguhet akcizë. Gjatë kontrollit të ushtruar nga Policia, brenda në furgon u gjetën dhe u sekuestruan 800 kg duhan (gjethe duhani të thata), pa faturë shoqërimi. Materialet i kaluan Prokurorisë së Kukësit, për veprat penale “Kontrabanda me mallra për të cilat paguhet akcizë ose me pezullim të plotë apo të pjesshëm nga detyrimet doganore ose të akcizës”, “Tregtimi dhe transportimi i mallrave që janë kontrabandë” dhe “Fshehja e të ardhurave”.