Një ngjarje e rëndë raportohet të jetë shënuar në Valbonë, ku dyshohet se një turist serb ka ndërruar jetë. Sipas policisë, ngjarja ka ndodhur gjatë paradites së të shtunës, kur në sallën operative të Troppojës, një turiste serbe ka marrë në telefon, duke raportuar se në vendin e quajtur ‘Maja e grykave të hapura’ në Valbonë, një grup turistës janë bllokuar, pasi njëri prej tyre gjatë eksplorimit dyshohet se si pasojë e një arresti kardiak të ketë ndërruar jetë. Menjëherë pas kësaj telefonate, autoritetet policore janë nisur drejt adresës së dhënë, teksa ulja e helikopterit për shkak të terrenit të thepisur nuk është e mundur. Në të tilla rrethana, policia thekson se në ndihmë të autoriteteve të Tropojës janë nisur disa forca të kërkim-shpëtimit të Kosovë, për të ndihmuar në nxjerrjen e turistëve të bllokuar. Kjo nuk është hera e pare që në albet shqiptare bllokohen turistë, pasi një javë më pare në kalimin Theth-Valbonë, mbetën të bllokuar dis turistë çekë.