Të shumë janë shqiptarët e humbur pa anjë gjurmë. Barra e provës ka mbetur tek familjarët, ndonëse nuk kanë munguar edhe rastet e denoncimeve dhe kërkimeve pa rezultat nga Policia. Këtu nuk bëhet fjalë për fëmijët, për të cilët ligji është i njëjtë. Në ndryshimet ligjore të Kodit Civil, që janë miratuar në vitin 2014, në nenin 17 thuhet shprehimisht se personi që është shpallur i zhdukur me kërkesën e çdo të interesuari, mund të shpallet i vdekur me vendim të gjykatës, kur kanë kaluar pa patur lajme katër vjet nga dita që është shpallur i zhdukur. Ndërsa në rastet kur personi që ka humbur gjatë një fatkeqësie natyrore ose në rrethana që bëjnë të besohet se ka vdekur, siç mund të jenë tërmete, apo përmbytje mund të shpallet si i tillë me vendim të gjykatës, kur kanë kaluar pa patur lajme dy vjet nga dita që ka ngjarë fatkeqësia, pa qenë e nevojshme të shpallet më parë i zhdukur.