Ish drejtori ekonomik në Ministrinë e Shëndetësisë, pjesë e dosjes së sterilizimit ku akuzohet edhe ish ministri Ilir Beqaj kërkoi pafajësinë në seancën e radhës të mbajtur këtë të mërkurë në Gjykatën e Posaçme, duke treguar një barsaletë. Saimir Kadiu e nisi mbrojtjen e tij duke deklaruar se para disa ditësh kishte lexuar një anekdodë. “Mori flakë pylli dhe u mblodhen gjithë kafshet thanë po na denon Zoti, tha ai, se kemi bërë shumë mëkate. Luani, vijoi mbrojtjen i akuzuari, tha unë përshëmbull kam ngrënë shumë prej jush, ujku e dhelpra po ashtu, pastaj i erdhi radha gomarit dhe tha që pash një lëndin me bar të gjelbër dhe vajta e hëngra. Të gjitha kafshët, vijoi Kadiu në deklaratën e tij, thanë se ky është gabimi më i rëndë dhe dënuan gomarin për zjarrin. I pyetur nga gjykata se pse e tha këtë anekdodë, ish-zyrtari u shpreh shkurtimisht” “Kërkoj të mos jem unë gomari”.