Gjykata e lartë në Malajzi vendos t`i japë fund një politikë disa dekadëshe e cila i ndalonte josmyslimanët që të përdornin nëpër publikime fjalën “Allah” për t’iu referuar Zotit. Ai që coi praktikisht drejt këtij vendimi ishte rasti i Jill Ireland, një e krishterë malajziane të cilët 13 vjet më parë iu konfiskuan në aeroport disa materiale fetare që përmbanin fjalën “Allah”. Ireland, pjesëtare e një grupi autokton, nuk u pajtua me këtë veprim por nisi një sfidë ligjore kundër poltikës në fjalë, e cila ka qenë në fuqi që prej vitit 1986. Pas shtyrjeve të vazhdueshme, në fund gjykata e larta ka dalë në krah të gruas duke konstatuar se ajo nuk ka përse diskriminohet për shkak të besimit të saj. Gjykatësi doli gjithashtu në përfundimin se ndalimi i të krishterëve për të përdorur fjalën “Allah” është “i paligjshëm dhe antikushtetues”.Kushtetuta e Malajzisë e garanton lirinë e fesë dhe të krishterët e këtij vendi thonë se fjalën allah e kanë përdor për shekuj me radhë. por, autoritetet kishin dalë me pretendimin se përdorimi i termit në literaturën jomyslimane, mund ti hutonte besimtarët e kësaj feje e ti nxiste ata drejt konvertimit. Në Malajzi, 60% e popullates jane myslimane dhe vetem 10% e 32 milionë banorëve të këtij vend ii takojne besimit të krishtere.