Një hotel kinez, që ka në qendër një ambjent në të cilin qëndrojnë arinj polarë, me qëllim që ti ofrojë një pamje të përhershme, të kënaqshme, klientëve, është pritur që në hapje me një mori polemikash. “Fatkeqësisht, ky ambjent artificial është ekstremisht i dëmshëm për këta arinj polarë, për shëndetin dhe mirëqënien e tyre, sepse është krejtësisëht e kundërta e asaj që ata kanë në natyrë. Dhe ëhstë kaq e trishtueshme që ky hotel mendon se mbajtja në këto kushte e arinjve do tu japë më shumë fitime. Në të vërtetë, gjithnjë e më shumë njerëz po e kuptojnë se kafshët nuk janë pronë e askuht dhe nuk duhet të përdoren për argëtim”, thotë Nirali Shah, aktiviste e grupit Peta, në azi. Hoteli u ndërtua duke patur në qendër një ambjent artificial në të cilin arinjtë polarë qëndronin. Dritaret e dhomave të hotelit në kinën veri lindore, shihin të gjitha nga arinjtë dhe vizitorëve u thuhej se kafshët ishin fqinjët e tyre 24 orë në ditë. Një video, tregon arinjtë, që janë edhe specie nën kërcënim, që fotografohen nga turma njerëzish nënnjë ndricim të dëmshëm, në një hapësirë të mbushur me shkëmbinj të rremë dhe copëza akulli, si edhe me dyshemenë e lyer me të bardhë. E gjithë kjo, për organizatat e mbrojtjes së kafshëve, është e patolerueshme dhe ato i kanë bërë apel klientëve të mundshëm të qëndrojnë larg sipërmarrjeve që fitojnë në kurriz të kafshëve.