Ndodhen nga 900 deri në 1220 metra nën nivelin e hyrjes prej më shumë se 24 orëve dhe tani është ndezur gara me kohën për të shpëtuar 39 minatorët e bllokuar në një minierë në perëndim të Sudbury-t, në Ontario të Kanadasë. Incidenti i ndodhur të dielën pasdite bëri që të bllokohej hyrja kryesore cka edhe pengoi ngjitjen e minatorëve. Pronarët e minierës, braziliania Vale, ka deklaruar që për momentin nuk ka të lënduar. Në agim filluan operacionet e shpëtimit, por do të duhet kohë për ti nxjerrë të gjithë minatorët. Skuadrat e shpëtimit i kanë arritur – thotë kompania – dhe po fillojnë ti spostojnë përmes një sistemi shkallësh dytësore. Minatorëve ndërkohë u është cuar ushqim dhe ujë. Fatmirësisht askush nuk ishte në bordin e sistemit kryesor të transportit kur ka ndodhur incidenti, një pajisje e rëndë kishte rënë me sa duket mbi ashensorin e sistemit kryesor të transportit duke bllokuar daljen.