Rusia ka vendosur një flotë helikopterësh sulmi në kufijtë e saj me Ukrainën, duke shtuar frikën për një sulm të mundshëm. Dislokimi vjen pasi joe Biden paralajmëroi Vladimir Putinin për kosto të rëndë pas pretendimeve se Moska po planifikon të pushtojë fqinjin brenda pak ditësh. Raporte të reja të inteligjencës sugjerojnë se Rusia do të pushtojë Ukrainën këtë të mërkurë, më 16 shkurt, sipas gazetës gjermane der Spiegel. Informacioni i marrë nga shërbimi sekret, CIA dhe shërbimet e tjera të inteligjencës, ka shkuar madje edhe më larg duke nënvizuar edhe trajektoret që do të ndjekin njësitë ruse, bashkë me rolet që ato do të luajnë. Videot e reja tregojnë ndërkohë helikopterët e sulmit që janë mbledhur në rajonin perëndimor Belgorod, vetëm 30 km larg Ukrainës, në një nga shenjat më të dukshme të një pushtimi të pritshëm që janë parë deri më tani. Mjete të ngjashme ajrore u panë në të njëjtin vend edhe në 2014-ën, kur Moska ndërhyri në Donbash dhe në Krimenë e aneksuar. Imazhet video tregojnë helikopterët Ka-52 Aligatorë, Mi-8s dhe Mi-24 që lëvizin në vende të ndryshme në rusinë perëndimore. Ata janë parë edhe në Belgorod, në raportin Nizhny Novgorod, Tver etj në mesin e dyshimeve se po vendosen në zonën e luftës.