Një variant i ri I koronavirusit me një numër tepër të lartë mutacionesh dhe që mund t’u shpëtojë vaksinave është identifikuar në tre vende të ndryshme, pavarësisht se numri i rasteve është ende I papërfillshëm. Degëzimi i varianti të vjetër të quajtur B.1.1, ka 32 mutacion dhe është gjetur në Afrikën e Jugut, Botsvana dhe një rast në Hong Kong, ku personi kishte udhëtuar së fundmi në Afrikën e Jugut. Deri më tani janë regjistruar vetëm 10 raste të variantit, por shkencëtarët janë të bindur se mund të ketë të tjera të paidentifikuara ende. Profili i mutacioneve është shqetësues për shkak të potencialit të tij për të shmangur antitrupat që mund të luftojnë virusin. Virologët janë gjatë gjithë kohës vigjilent për të pikasur varientet e reja të Covid-it. Pas hulumtimeve që do të kryhen do të kuptohet më qartë nëse ky variant ka aftësinë për t’iu shmangur vaksinave.