Gjatë kontrolleve të shumta në të gjitha akset rrugore, policia e Durrësit ka vënë në pranga 8 drejtues mjetesh për motive të ndryshme të cilat lidhen me shklejen e kodit rrugorë. 5 prej tyre u arrsetuan pasi u konstatuan pa leje drejtimi. 2 të tjerë ishin në gjendje të dehur dhe një tjetër, kishte goditur 2 automjete duke shkaktuar dëme të mëdha materiale. Po gjatë 48 orëve të fundit, janë vendosur 78 masa administrative për tejkalim shpejtësie. Gjithashtu janë tërhequr 3 leje drejtimi për drejtim mjeti nën efektin e alkoolit dhe 4 leje drejtimi për drejtim mjeti me shpejtësi mbi normat e lejuara. Uniformat blu të Durrësit, bënë me dije se kanë vendosur 2 masa administrative me vlerë 30 mijë lekë dhe 38 mijë lekë të rinj, pasi drejtuesit e mjeteve ishin rezident në një nga shtetet e Bashkimit Europian. Ndërkohë, 480 drejtues mjetesh, janë ndëshkuar me masë administrative, për shkelje që sjellin pasoja në jetën dhe shëndetin e përdoruesve të rrugës.