Imazhe dramatike video tregojnë momentet kur avionët luftarakë Tajfun të Forcës ajrore mbretërore britanike RAF, shoqërojnë katër evionë rusë mbi brigjet e skocisë, kur këta të fundi i ishin drejtuar hapësirës ajrore britanike mbi detin e veriut. Tajfunët u ngritën nga Morej, pasi dy Tu-95 Bear H rusë dhe dy avionë të tjerë patrullimi detar, u gjurmuan nga forcat ajrore në afërsi të zonës së interesit të britanisë, mbi detin e veriut. Pas një përballjeje disa minutëshe në ajër, avionët rusë u larguan pa hyrë në hapësirë ajrore britanike. Ajo që njihet si ‘Zona e interesit’ shkon shumë përtej ishujve britanikë dhe përshin hapësirën ajrore ndërkombëtare, por britania e madhe është përgjegjëse për kontrollin e saj dhe për ofrimin e shërbimeve të trafikut ajror. Incidenti ndërkohë ndodhi vetëm pak orë pasi presidenti rus Vladimir Putin dhe kryeministri Britanik boris Johnson biseduan në telefon. Imazhet e publikuara nga rusia, tregojnë kështu një mision që ndodhi menjëherë pas kthimit të Johnsonit nga vizita e tij në Kiev të martën dhe para se ai të paralajmëronte liderin e kremlinit se një sulm mbi ukrainë do të ishte një gabim tragjik.