Kryeministri Edi Rama së bashku me kryetarin e Bashkisë së Tiranës Erion Veliaj dhe ministrin e rindërtimit Arben Ahmetaj mëngjesin e sotëm kanë vizituar një prej familjeve të prekura nga tërmeti i 26 nëntorit të vitit të kaluar në Ndroq. Familja e përbërë nga 5 anëtarë tashmë kanë një shtëpi të re. Kryeministri ka pyetur gjyshen e shtëpisë “Në rregull shtëpia?” Gjyshja: Shumë në rregull, shumë faleminderit. Rama: Më mirë se ajo që ishte? Gjyshja: Ajo ishte shembur, ne flinim përjashta. Veliaj u dha një dhuratë simbolike 2 fëmijëve të shtëpisë, për të cilën kryeministri Edi Rama ndihmoi vajzën e vogël të hapte dhuratën e saj ku në brendësi kishte një libër “ Të fshehtat e anijes fluturuese”, teksa e lexoi me zë titullin e librin, ai e krahasoi me “Të fshehtat e Bashkisë së Tiranës”. Duke këshilluar të vegjlit për të rëndësinë e rezultatetve të larta në shkollë, kryeministri i dha edhe një mesazh djalit të vogël të familjes. “Mëso, bëhu me 10 si motra jote merr shembull nga kjo kingja. Atë dhomën që e ke tani më vete do ta paguash tullë më tullë me 10-ta, përndryshe do rrish në kasolle, do ta marri motra”. Një ditë më parë në lagjen e rindërtuar në Ndroq kryeministri Rama u shpreh se për cdo kalim afati për pagesat e banorëve apo aparatamentet që përfitojnë ata nga shpronësimi, qeveria dhe bashkia duhet të paguajnë një penalitet.