Mark Zuckerberg sheh një të ardhme ku të gjithë do të përdorim teknologjinë e fuqizuar nga Inteligjenca Artificiale. "Pothuajse të gjithë ata që mbajnë syze sot, në të ardhmen do të mund të kenë syzet inteligjente, dhe kjo vlen për më shumë se një miliardë njerëz në botë", tha Mark Zuckerberg Themeluesi dhe CEO i Meta në një diskutim me Themeluesin dhe CEO-n e NVIDIA, Jensen Huang, ku u fol për të ardhmen e Inteligjencës artificiale. "Unë mendoj se syzet inteligjente do të jenë një lloj telefoni celular, një lloj versioni gjithmonë i ndezur i platformës së ardhshme kompjuterike," shton ai. Meta prezantoi syzet e saj inteligjente, një bashkëpunim me markën e famshme të syzeve Ray-Bans, në vitin 2021. Në fillim të këtij viti, kompania njoftoi një përditësim të Meta AI që i mundësoi teknologjisë që të funksionojë për përdoruesit. Zuckerberg tha ndërkohë se tani kompania po punon për gjeneratën e ardhshme të syzeve inteligjente, të cilat ai tha se janë dizajnuar duke pasur parasysh edhe “trendet e modës”.