Një palë syze të Mahatma Gandhit, u shitën në ankand për 260 mijë paundë pasi u gjetën brenda një kutie postare të shtëpisë së ankandeve. Syzet u blenë përmes një ofertuesi nga telefoni, një koleksionues amerikan, pas vetëm gjashtë minutash përballje ofertash. Drejtuesi i ankandit, Endriu Stou, tha se ky ishte një rekord për shtëpinë e tij të ankandeve dhe e cilësoi atë si shitjen e shekullit. Syzet, ishte parashikuar të shiteshin për jo më shumë se 15 mijë paundë. Stou tha se pronari i syzeve, ishte një i moshuar nga mangotsfield që tha se do ti ndante paratë me të bijën. Ata i kishin kaluar syzet nga gjenerata në gjeneratë, në familje, pasi një i afërm i tyre kishte takuar Gandhin në një vizitë në afrikën e jugut në 1920-ën.