Sezoni i ri “Portokalli” do të nisë së shpejti dhe deri më tani është bërë e ditur që do të ketë disa ndryshime, si në drejtimin në skenë ashtu edhe në atë artistik. Pas largimit të Eneda Tarifës nga spektakli i humorit, një tjetër emër po kaq i dashur për publikun shqiptar do zërë vendin e saj. I referohemi moderatores bukuroshe Fjoralba Ponari, të cilës duket se i është besuar një tjetër program me shumë peshë. Fjoralba Ponari do të jetë prezantuesja e re e spektaklit t të humorit , në krah të aktorit dhe moderatorit Salsano Rrapi. Fjoralba Ponari zëvëndëson Eneda Tarifën, pas largimit të kësaj të fundit disa javë më parë. Ponari e pati lajmëruar disa ditë më parë në mënyrë të tërthortë, që ajo do ishte drejtuesja e re e “Portokallisë”. Nëpërmjet një instastory, ajo shkroi “Aventura të reja”, shoqëruar me emojin Portokalli. Fjoralba ka fituar audicionin për t’u bërë prezantuese e “Portokalli” dhe tani presim ta shohim çdo të dielë në ekranin e Top Channel, përkrah emrave më të njohur të humorit.