Rusia do të pushtojë ukrainën në orën 1 të mëngjesit të së mërkurës me një sulm blitz me raketa dhe me 200 mijë trupa. Pavarësisht se Moska ka deklaruar se ka nisur tërheqjen e një pjese të trupave nga kufiri i ukrainës pasi stërvitjet kanë përfunduar, mediat britanike, vazhdojnë t’i mëshojnë tezës së luftës duke cituar burime nga inteligjenca amerikane. Burime shumë të besueshme – shkruan the Sun – thonë se përgatitjet për të mbrojtur vendin do të vazhdojnë pavarësisht raporteve se Putin po tërheq disa trupa. Spiunët amerikanë besojnë se ushtria e Kievit dhe qendrat e komandës në qeveri vazhdojnë të besojnë se mund të ketë një sulm ajror para se tanket të kapërcejnë kufirin. Rusët deklaruan të martën se po tërhiqnin rreth 10 mijë trupa pas përfundimit të stërvitjeve ushtarake, por ende në kufijtë lindorë dhe jugorë të ukrainës mbeten rreth 100 mijë trupa si edhe rreth 40 mijë forca të putinit në Bjellorusi, në veri. 30 mijë separatistë pro rusë ndërkohë përballen me ushtarët ukrainas në rajonin e donbashit. Dhe përgatitjet vazhdonin me të njëjtin ritëm në Kiev edhe të martën, ndërsa sistemet anti ajrore janë parë të lëvizin për tu pozicionuar bashkë me autokolona të mjeteve të rojës kombëtare. “Ne nuk mund të marrim për të vërtetë cdo gjë që rusia thotë. Duhet të përgatitemi të mbrojmë veten”, thotë një burim ushtarak. Burime ushtarake thanë se një sulm i moskës do të niste nga shumë drejtime mbi Ukrainë.