Pas shpërthmit të fuqishëm në automjetin e prokurorit Arjan Muça mbrëmjen e së enjtes, ky i fundit është marrë në pyetje nga policia për të hedhur dritë mbi rrethanat që lidhen me ngjarjen. Shpërthimi i fuqishëm ndodhi gjatë kohës që makina e tij ishte e parkuar në një qendër tregtare në zonën e Komunës së Parisit. Prokurori ka pohuar para grupit hetimor se mjetin tip “Benz” me targë AA102ET, e ka në pronësi dhe prej me shumë se 2 vitesh e parkon në katin e 2 të nëndheshëm në qendrën tregtare të komunës së Parisit. Prokurori Arjan Muça ka thënë se nuk ka asnjë konflikt dhe se ky sulm lidhet vetëm me detyrën e tij si prokuror pranë Këshillit të Lartë të Prokurorisë. Nisur nga deklarimet e tij policia e ka referuar çështjen për shkak të detyres dhe po heton në ketë drejtim. Arjan Muça është i komanduar në Këshillin e Lartë të Prokurorisë si inspektor. Më herët ka qenë oficer tek ish Prokuroria e Krimeve të Rënda dhe ish prokuror në Gjirokastër. Ndërkohë bashkëshortja e tij, Gentiana Muça është gjyqtare në Apelin Administrativ, ndaj një dyshim është se shpërthimi mund të ketë qenë edhe ndaj saj. Drejtori i Policisë së Tiranës, Rebani Jaupaj deklaroi pas ngjarjes se mjeti ka dëmtime në pjesën e përparme. Policia ka marrë pamjet e kameravë të sigurisë që ndodheisn nnë zonën e parklimit ku ka ndodhur shpërthkmi për të zbardhur ngjarjen. Ndërkohë menjëherë pas shpërthmit në automjetin e parkuar, ngjarjes familja e prokurorit Arjan Muça është marrë në mbrojtje nga policia. Fatmirësisht nga shrëthmi me tritol nuk pati të lënduar, pro vetëm dëmtime të automjetit.