Një sulm përpara sinagogës tronditi Hamburgun, e gjasat janë të gjitha të një sfondi antisemit. Agresori 29 vjecar ka sulmuar e plagosur rëndë një të ri me kapele hebreje në kokë. Ngjarja ndodhi në kohën kur hebrejtë shkonin për luftje dhe festime të sukotit, një festë disaditore. Ndër besimtarët ishte dhe studenti 26-vjeçar që u sulmua papritur nga një burrë me veshje ushtarake. Studenti është goditur rëndë në kokë me një lopatë që normalisht i përket pajisjeve ushtarake. Kalimtarët e rastit i kanë ofruar të riut ndihmën e parë, deri sa mbërriti ekipi i mjekëve, i cili e ka dërguar në spital. Rojet e sinagogës kanë reaguar menjëherë dhe e kanë kapur sulmuesin që është me origjinë nga Kazakistani, por me adresë banimi në Berlin. Për momentin nuk dihet shkaku i qëndrimit të tij në Hamburg dhe ku e ka marrë uniformën ushtarake. Ministri i Jashtëm Heiko Maas e dënoi ashpër sulmin, e të njëjtën gjë bëri dhe kryebashkiaku I Hamburgut. Organizatat e hebrejve deklaruan se është tërësisht e paparanueshme që ky popull edhe sot e kësaj dite sulmohet dhe nuk është i mbrojtur si duhet në Gjermani.Veshja ushtarake dhe data e sulmit të kujtojnë sulmin ndaj sinagogës në Halle përpara një viti, kur esktremisti i armatosur rëndë, Stefan B. tentoi në 8 tetor të hynte në një sinagogë në këtë qytet dhe të vriste besimtarët gjatë lutjeve.