Tre persona kanë humbur jetën në një nga stuhitë më të rënda që ka goditur Britaninë e Madhe në dekada të tëra. Era e fortë e stuhisë Eunice ka rrëzuar pemë dhe ka bërë që catitë e shtëpive të fluturonin duke shkaktuar vdekjen e një gruaje rreth të 30-tave në Londër, një burri rreth të 20-tave në Hampshire dhe një burri rreth të 50-tave në Merseyside. Era kapi shpejtësinë e 196 km në orë në ishullin Uajt duke vendosur një rekord të përkohshëm në angli ndërsa stuhia mbylli shkolla, ndërpreu trafikun dhe rrëzoi catitë e shtëpive. Rreth 400 mijë shtëpi mbetën pa energji elektrike mbrëmjen e të premtes. Pesë persona të tjerë ndërkohë kanë humbur jetën në vende të tjera të evropës. Moti i keq ka përfshrë vec britanisë edhe Irlandën, Belgjikën dhe Holandën me një intensitet të paparë. Stuhitë “Younis” dhe “Ylenia” që goditën Evropën veriore dhe qendrore shkaktoi rënien e pemëve nga erërat e furtushme. Më shumë se një milion shtëpi janë zhytur në errësirë që nga dita e premte. Deri më tani sidoqoftë, furnizimet janë kthyer në një pjesë të madhe, shumë të tjera mbeten ende pa energji.