Shumë nga njerëzit e infektuar me Sars-Cov-2, qofte edhe ata qe nuk u shtruanen spital, vazhdojnë të përjetojnë simptoma të ndryshme për muaj me radhë. Një studim i botuar në revistën “The Lancet”, ilustron përmasat e këtij fenomeni shqetësues, i quajtur “Covidi i Gjatë”. Studiuesit kinezë që kryen studimin u përqendruan në ecurinë e shëndetit të mbi 1000 pacienteve të prekur nga Covid-19. U konstatua se gjashtë muaj pasi iu shfaqën simptomat e para, 76 për qind e pacientëve që kishin dalë nga spitali, raportuan se kishin ende të paktën një simptomë. Më të goditura nga efektet anësore afatgjatë ishin gratë. Simptomat që raportoheshin më shpesh ishin lodhja fizike ose dhimbjet e muskujve si dhe shqetësimet e gjumit. Ndërkohë behet e ditur ne studim janë vërejtur edhe raste të çrregullimeve të vazhdueshme të veshkave, të cilat nuk ishin zbuluar gjatë shtrimit në spital. Gjithashtu, pacientët e sëmurë më rëndë me Covid-19, performuan më keq në një test 6 minutësh të ecjes më këmbë. Gati çereku nuk arriti të përshkruante dot distancën minimale. Studimi u bazua gjithashtu tek 94 pacientë, shkalla e antitrupave të të cilëve është regjistruar në kohën e infeksionit maksimal. Gjashtë muaj më vonë, niveli i antitrupave ndaj virusit ishte përgjysmuar. Autorët e studimit, nënvizojnë se ky është studimi me grupin më të madh të pacientëve të shtruar në spital.