Një spital ushtarak kinez, i ndodhur vetëm 1 km e gjysmë larg institutit të virologjisë në Vuhan, ka trajtuar pacientë me covid tre javë para se kina të paralajmëronte botën për shpërthimin. Pretendimi vjen nga një shkencëtar që thotë se gjurmë të katër rasteve të covidit janë regjistruar në Vuhan më 10 dhjetor 2019. E kjo, hedh poshtë plotësisht narrativën zyrtare kineze se për të parën herë virusi u raportua më 27 dhjetor ndërkohë që bota u njoftua më 31 dhjetor. Autori i studimit, Steven Quay, sugjeron se qeveria kineze ishte në dijeni të përhapjes së virusit vdekjeprurës më herët nga sa mendohej deri më tani. Studimi i tij nënvizon se katër pacientë me covidin e dyshuar ishin trajtuar në spitalin e përgjithshëm të komandës qendrore të ushtrisë kineze në Vuhan, javë para njoftimit zyrtar. Studimi është mbështetur tek të dhënat e pacientëve dhe të dhëna nga kampionët që tregojnë gjurmë të covidit që më 10 dhjetor. Spitali është po ashtu shumë pranë nga laboratori i Vuhanit që prej kohësh është akuzuar se ka patur rol në origjinën e pandemisë. Ndërkohë që e gjithë kjo vjen ndërsa ish presidenti amerikan, Donald Trump, tha se ai kishte dëgjuar për thasë me trupa të grumbulluar jashtë laboratorit dhe sugjerois e virusi mund të kishte dalë përmes një tekniku të infektuar.