Vijon me ritme të shpejta ndërtimi i Spitalit Rajonal Memorial të Fierit. Angazhimi i qeverisë turke për të përfunduar ndërtimin e këtij spitali duket se po konkretizohet dita diës. Pamjet ekskluzive për Top Neës që vijnë nga kantieri i ndërtimit i spitalit shqiptaro-turk tregojnë qartësisht se tashmë punimet janë drejt fundit. Donacioni i Turqisë konsiston në një hapësirë me 150 shtretër, 19 shërbime dhe njësi klinike ambulatore me shtretër. Sipas marrëveshjes së nënshkruar nga këshilli i ministrave i Shqipërisë dhe qeverisë turke, në fazën tranzitore personeli i shërbimit mjekësor të këtij spitali do të jenë jo vetëm shqiptarë por edhe turq. Parashikohet të punësohen 300 veta, nga të cilët 50 do të jenë profesionistë turq. Ky spital do të zotërojë pajisjet më të avancuar teknologjikisht dhe do të jetë një vlerë e shtuar për gjithë zonën jugore të vendit tonë.