Kryetarja e Kuvendit, Elisa Spiropali do të përfaqësojë Shqipërinë në Samitin Europa Juglindore – Ukrainë që mbahet në Odesa më 11 maj. Detajet kryeparlamentarja i dha gjatë ceremonisë së hapjes së sesionit të 12-të plenar të Asamblesë Parlamentare të Procesit të Bashkëpunimit të Evropës Juglindore që u mbajt në ambjentet e sallës së seancave plenare. Sinkron Spiropali: “Nesër, në 11 maj, në Odesa do të mbahet Samiti Europa Juglindore- Ukrainë, në të cilën unë do të përfaqësoj Shqipërinë. Shqipëria po ecën me hapa të shpejtë e të vendosur drejt anëtarësimit në Bashkimin Europian dhe konsolidimit të vlerave tona thelbësore europiane: respektimin e të drejtave të njeriut, përfshirë të drejtat e pakicave, modernizimin e sistemit politik, fuqizimin e institucioneve demokratike, sundimin e ligjit, zhvillimin e ekonomisë dhe rritjen e mirëqenies.”