Masat e covid 19 kanë filluar të lirohen në disa shtete të BE, kjo për shkak se koronavirsi dhe të gjithë nënvariantet e tij, po konsiderohen si një grip normal dhe jo më si një sëmundje shqetësuese. Pak javë më parë, qeveria spanjolle tha se do ta konsideronte Covidin si një grip normal, ku do të hiqte përdorimin e masave por edhe vaksinën. Së fundmi, Spanja ka njoftuar se nuk do të jetë më e nevojshme përdorimi i maskave mbrojtëse në ambientet e jashtme, ndërsa shtoi se ky vendim do t ëhy në fuqi të mërkurën. Lajmi u bë me dije nga zëdhënësja e Qeverisë spanjolle, Isabel Rodriguez, pasi ekzekutivi mbajti mbledhjen javore. Kjo masë do të aplikohet edhe për nxënësit, të cilët nuk do të obligohen të mbajnë maska gjatë pushimeve në mes të orëve. Por, ky vendim nuk vlen për ambientet e mbyllura, ndërsa edhe njëherë theksohet se përdorimi I maskave në autobusë ku distance fizike është shumë e vogël, do të jetë e detyrueshme. Javët e fundit ka një rënie të numrit të infiktimeve në Spanjë, ndërsa kjo gjë thuhet se ka ndodhur si pasojë e vaksinimit masiv. Në Spanjë, 81 për qind e popullatës është e vaksinuar kundër koronavirusit.