Prokuroria e Posaçme ka shpallur sërish moskompetencën për dosjen e 21 Janarit dhe ja ka kaluar dosjen Prokurorisë së Tiranës, ku është nën hetim vrasja e Aleks Nikës. Vendimi nuk është zyrtarizuar ende, por ai nënkuptohet në një letër që kreu i SPAK, Altin Dumani u ka kthyer familjarëve të Aleks Nikës, të cilët depozituan pak javë më parë një kallëzim të ri në këtë strukturës. Familjarët depozituan kallëzimin e ri pas publikimit në Zona Zero në Top Neës më 20 janar të këtij viti të një audio-përgjimi të zinxhirit komandues të Gardës së Republikës ditën e protestës, ku mbetën të vrarë katër protestues.