SPAK ka nisur një operacion të gjerë në disa qytete të vendit. Në total mësohet se janë lëshuar të paktën 30 masa sigurie nga gjykata e posaçme antikorrupsion që po ekzekutohen, sipas top Channel, masë arresti shtëpiak është vendosur dhe për ish-gjyqtaren Pajtime Fetahu. Sipas informacioneve, operacioni i cili vijon ende nën drejtimin e Prokurorisë së Posaçme është vazhdim i “Plumbit të Artë”. Aksion ky I zhvilluar në muajin maj të vitit 2022 ku u goditën 8 grupe kriminale që pernin në Elbasan, Durrës dhe në Tiranë. Nga informacionet paraprake bëhet me dije se hetuesit kanë zbardhur 6 vrasje të kryera në Elbasan, rrogozhinë e Berat. Krahas ish-gjyqtares janë vendosur masa sigurie dhe për dy oficerë policie që mendohet se kanë bashkëpunuar me të akuzuarit e tjerë. Po ashtu është lëshuar masë ndalimi edhe për Hajdar Bakon alias Hajdar Çopja, i njohur ndryshe si Dari i Elbasanit. 40 vjeçari u arrestua në Dubai në maj të këtij vitit, pasi është i dënuar me 4 vjet burgim, për veprën penale “Plagosja e rëndë me dashje”.