Afati prej dhjetë ditësh, që Fryma e Re Demokratike të lirojë godinën skadon këtë të martë, data 23 mars. Në ambientet e jashtme të kësaj selie sot janë parë edhe efektive të policisë bashkiake. Në një komunikim për mediat, kryetari i kësaj force politike, Sali Shehu deklaroi se çështja është në gjykatë dhe ende nuk ka një vendim të formës së prerë. Ndërsa theksoi se qendrimin në zyrë ia garanton ligji. Shehu u shpreh se seanca që ishte parashikuar për sot është shtyrë, pasi janë bashkuar dy padi.