Në reagimin e tij të parë për listat e kandidatëve për deputetë të dorëzuara në KQZ nga partitë politike, ambasadori i BE-së në Tiranë, Luigi Soreca, u tregua mjaft i qartë në mesazhin e tij. diplomati i lartë e vuri theksin tek ligji i dekriminalizimit dhe në mesazhin e përcjellë përmes rrjetit sociale Twitter. “ Partitë kanë paraqitur listat e tyre për zgjedhjet e 25 prilli. Tani i takon KQZ në Shqiperi, në konsultim me zyrën e Prokurorisë së Përgjithshme, të verifikojë kandidatët. Ligji i dekriminalizimit duhet të zbatohet plotësisht & standardet e integritetit për kandidatët duhet të plotësohen”, theksohej në komentin e prerë të ambasadorit të Bashkimit Europian. Të dyja palët, si PS-ja në kërkim të mandatit të tretgë qeverisë, ashtu edhe PD-ja që kërkon pushtetin pas 8 vitesh në bankat e opozitës, e shtynë deri në momentin e fundit dorëzimin e listave duke prekur limitet e afatit kohor të caktuar prej Komisioni Qendror i Zgjedhjeve. Rreth 21% e emrave në listën e deputetëve të PS janë prurje e re, në krahasim me ekipin që fitoi zgjedhjet e kaluara parlamentare, ato të vitit 2017. Një stratëgji të ngjashme zgjodhi dhe Partia Demokratike, në listat e së cilës ka gjithashtu mjaft emra të rinj, ndonëse me pak se kundërshtarët. Anëtarja e Komisionit Rregullator në Komisionin Qendror të Zgjedhjeve, Helga Vukaj, i bwri mw herwt një kërkesë zyrtare Komisionit Qendror të Zgjedhjeve që të mos regjistrojë në zgjedhjet e 25 prillit, personat tw cilwt nuk plotësojnë kriteret e vendosura nga SHBA dhe BE, në lidhje me integritetin. Ndër të tjera, në kërkesën e bërë nga Vukaj, thuhet se ndalimi i kandidimit duhet të aplikohet për personat që “janë dëbuar nga territori i një shteti anëtar të BE-së, SHBA-së, Kanadasë e Australisë”.