Një anije hapësinore do të niset në një mision për të zbuluar ‘fosilet’ e sistemit diellor. Sonda Lucy, do ti drejtohet orbitës së jupiterit për të studiuar dy grupe asteroidësh që enden rreth gjigandit të gaztë. Shkencëtarët e agjencisë amerikane hapësinore, NASA, thonë se objektet janë mbetje nga krijimi i planetëve të tjerë. Si të tilla, këto trojanë, sic njihen ndryshe, mbajnë edhe të dhëna të rëndësishme për evolucionin e hershëm të sistemit diellor. Nasa ka akorduar 981 milionë dollarë për misionin që do të zgjasë 12 vjet. Në këtë kohë, sonda lucy do të vizitojë shtatë trojanë. Ekziston një fosile e famshme njerëzore nga afrika që është quajtur Lucy e që na ka mësuar shumë për prejardhjen e species sonë. Dhe ky mision i ri i NASA-s është frymëzuar prej tij duke marrë edhe emrin, vetëm se këtë radhë, fosilet për të cilat kërkon anija janë me qindra e miliona km larg nga toka, duke u rrotulluar rreth diellit në një linjë me jupiterin.