Presidenti ukrainas Volodymyr Zelensky në takimin me udhëheqësit perëndimorë në Londër, ku mungoi Donald Trump, theksoi rëndësinë e mbështetjes amerikane në përpjekjet për t’i dhënë fund luftës me Rusinë. Në samitin e “koalicionit të të vullnetshmëve”, ku morën pjesë mbi 20 liderë kryesisht evropianë, Zelensky nuk kërkoi hapur furnizimin me raketat amerikane “Tomahawk” (Tomahok), por kwrkoi zgjidhje alternative siç janw raketat anglo-franceze “Storm Shadow” (Storm Shedou) dhe më pas me “Atacms” (atak em si). Kryeministri britanik Keir Starmer theksoi nevojën për të forcuar aftësitë ushtarake të Ukrainës, veçanërisht raketat me rreze të gjatë, që mund të godasin objektiva ruse përtej vijës së frontit. Këtë javë, Ukraina përdori një raketë britanike “Storm Shadow” për të shkatërruar një uzinë që prodhonte eksplozivë dhe karburant për raketa, ndërsa SHBA-të ende nuk kanë vendosur për furnizimin me “Tomahawk”. Zelenskyy paralajmëroi për një “katastrofë humanitare” gjatë dimrit për shkak të sulmeve ruse ndaj infrastrukturës energjetike, që lënë disa qytete, përfshi edhe Kievin pa energji dhe ujë. Para samitit, Zelenskyy zhvilloi takime të ndara me Mbretin Charles dhe kryeministrin britanik Starmer, përpara se të bashkohej me liderët e tjerë në Ministrinë e Jashtme. Takimi erdhi një ditë pas dështimit të liderëve të BE-së për të vendosur mbi përdorimin e 140 miliardë eurove të ngrira nga asetet e Rusisë për mbrojtjen e Ukrainës.