Këtë të martë, në spitalin “Shefqet Ndroqi’, një nënë e re 22 vjecare ka sjellë në jetë foshnjën, teksa raportohet se gjendja e saj, si pasojë e infektimit me koronavirus është shumë e rëndë. Mjekët bënë të ditur se foshnja fatmirësisht gëzon shëndet të plotë, ndërsa 22 vjecare është futur në intubim. Foshnja është sjellë në jetë me anë të një ndërhyrje cezariane, në bashkëpunim me spitalin “Koço Gliozheni”. E reja ishte në muajin e fundit të shtatzënisë kur gjendja e saj është rëndaur nga virusi. Kujtojmë se ditën edhe një ditë më aprë, humbi jetën një 28-vjeçare nga Elbasani e cila, po ashtu ishte shtatzënë dhe mjekët u detyruan, që me anë të një cezariani, të sillnin në jetë foshnjën edhe pse e reja ishte në muajin e shtatë. Fatkeqësisht edhe një 18 vjeçar nga Memaliaj nuk e fitoi dot betejën me koronavirusin dhe ndërroi jetë dje, pas disa ditësh i intubuar.