Për herë të parë që nga Lufta e Ftohtë, sistemet amerikane të armëve me rreze të gjatë do të vendosen sërish në Gjermani. Lidhur me këtë stacionim të ri të raketave ka shumë pak informacione të besueshme, mediat gjermane shkruajnë se nuk dihet se ku do të vendosen armët. Tabloidi britanik The Sun, ndërkohë, publikoi një grafikë që tregonte se si raketa supersonike amerikane Dark Eagle, e lëshuar nga Ëiesbadeni, mund të arrijë Moskën në vetëm 21 minuta e 30 sekonda. Këto dy qytete janë 2000 kilometra larg njëri-tjetrit. Por cfarë lloj armësh do të vendosen? Qeveritë e SHBA-së dhe Gjermanisë deklaruan se "njësitë konvencionale, kur të vendosen plotësisht, do të përfshijnë SM-6, Tomahaëks dhe armët hipersoike që janë aktualisht në zhvillim". Tomahaëk është një raketë e madhe lundrimi që ka qenë në përdorim për dekada dhe po zhvillohet vazhdimisht më tej. Është arma standarde e SHBA-së dhe Britanisë së Madhe në çdo konflikt ushtarak kundër shënjestrave tokësore dhe gjithnjë e më shumë po merr përsipër detyrat e bombarduesve me telekomandë. Tomahaëk ishte raketa e parë e lundrimit që fluturoi në lartësi të vogla dhe kështu ishte kryesisht e padukshme për radarët. Ajo është prodhuar nga amerikania Raytheon, kushton nga 600.000 deri në rreth 1.5 milionë dollarë copa dhe ka një distancë veprimi deri në 2500 kilometra.